Prayoridad ni Mayor Albee Benitez ang mapatahum pa ang Burgos, Libertad kag Central Market sa Bacolod.

Gani magluwas sa ginapatuman nga repair kag rehabilitation sang tatlo ka mga merkado, ginatun-an na sang siudad ang pagtalana sang pondo para sa pagtukod 3-storey market sa siudad.

Suno kay Councilor Celia Flor, chairperson sang committee on markets and slaughterhouse, nga sa ila pagsinapol upod sa alkalde naduso ang pagtalana sang P1.5 billion nga pondo para sa construction sang tatlo ka mga merkado nga posible sugdan antes matapos ang termino ni Benitez.

Gin-ako ni Flor nga indi malayo nga magasaka man ang renta para sa mga market vendors kun matuman na ang proyekto.

Amo nga karon padayon man ang pagpanukot sang siudad sa arrears sang mga manugbaligya sa merkado pati na sa Manokan Country.